Ret ki Machhli – Kanta Bharti (My Notes) 👉 Ret ki Machhli 📅 7. | by chitk_oli96 | Apr, 2026

Ret ki Machhli – Kanta Bharti (My Notes)
👉 Ret ki Machhli
📅 7. April.2025
Characters: Shobhan, Kuntal, Meenal
Isme ek line thi jo mujhe bahut hit kari:
“Yaad rakhna Kuntal, koi bhi author ya kavi ka mann agar tum me laga hai, kal ko kisi aur aurat me bhi lag sakta hai.”
Aur ye line Kuntal ko tab aur deeply feel hoti hai jab Shobhan, Kuntal ke saamne hi Meenal ko choose kar leta hai.
Kuntal ko lagta hai jaise wo ab ek desert (registan) me hai, jahan se ab koi bhi usse bacha nahi sakta.
Jaise ek machhli bina paani ke tadapti hai, waise hi Kuntal Shobhan ke pyaar ke bina toot rahi hoti hai.
Shobhan ka pyaar hi uske liye “paani” tha.
Aur uske mann me hamesha ek hope rehti hai ki shayad kabhi Shobhan ko uske liye phir se waise feelings aa jaye…
par wo bilkul ek “मृगतृष्णा (illusion)” jaisa hai — sirf ek wahm.
Meenal ko is story me ek aisi kaante wali bel (🌵) dikhaya gaya hai, jo dheere-dheere ek phoolon jaisa khubsurat garden kharab kar deti hai.
Wo Shobhan aur Kuntal ke rishte me third person ban kar sab kuch tod deti hai.
Kahin na kahin Kuntal khud bhi is situation ke liye responsible hai.
Jab Meenal unke relation ke beech aayi, tab usne pehle hi usse mana kyu nahi kiya?
Aur jab situation aur kharab hoti gayi, tab usne apni self-respect ke bare me kyu nahi socha?
Par ek point samajh aata hai — jab hum kisi relationship me hote hain,
to hum sirf ek aas, ek umeed pakad ke rakhte hain…
jo hume lagta hai ki shayad sab theek kar degi.
Kuntal ne apni family se ladkar Shobhan se shaadi ki thi.
Bahut samjhane ke baad bhi usne apni jidd nahi chhodi.
Par end me usse mila kya?
Shobhan ka dikhawa
Uska kisi aur ko choose kar lena
Aur jab usne relationship bachane ke liye Meenal ko kuch bola, to use maar tak khani padti hai
Kya Kuntal ye sab deserve karti thi?
👉 Mera answer: Nahi.
Wo sirf ek aisa husband chahti thi jo use pyaar kare,
par end me Shobhan ka mann kahin aur lag gaya.
Mujhe lagta hai ki Shobhan Kuntal ko deserve bhi nahi karta tha.
Par finally Kuntal himmat karti hai:
Wo Shobhan ko chhod kar apne ghar aa jati hai
Job ke liye try karti hai aur usse job mil bhi jati hai
Wahi uski mulaqat “Kumud” se hoti hai, jiske paas wo rehne lagti hai
Apni beti Toru ko bhi wo divorce ke baad Shobhan ko de deti hai.
Jahan wo reh rahi hoti hai (hostel), wahan sirf unmarried ya widowed women hi reh sakti hain.
Par Kuntal us jagah ko bhi chhod deti hai, kyunki uska maanna hai ki in dono relationships me bhi “shaadi ki boo” aati hai —
aur wo ab usse accept nahi karti.
👉 Yahin se wo finally khud ke liye stand leti hai.
🌟 Final Thought
Ye novel society ki reality ko bahut honestly showcase karta hai.
👉 Aur ye sikhata hai ki:
Pyaar important hai, par self-respect usse bhi zyada important hai.