Pyar jitni khushi deta hai, usse kahin zyada dard us insan ke jaane ke baad deta hai.
Hum koshish karte hain bhoolne ki… kabhi doston ka sahara, kabhi videos, kabhi diary likhna, kabhi dusri muskurahaton ke peeche chhupna.
Lekin jin lamhon mein hum jee chuke ho uske saath —
Raat bhar jaagna
Lambe chats aur video calls
Uske liye jhooth bolna, chhupke milna
Shaadi ke sapne, bacchon ke naam tak soch lena
Saath hasna, rona, ladna, man-na…
Itne gehre jazbaat kisi ek ke saath jeeye ho, to kya usse bhoolna itna aasaan hai?
Main bhi koshish kar chuki hoon. Log mile, advice di, nayi raahon ki taraf dhakela…
Par har baar, uske saath guzara ek-ek pal wapas yaad aata hai — milne se leke chhodne tak sab.
Log kehte hain bhool jao. Par kya bhoolna waaqai solution hai?
Busy ho jao — thik hai.
Lekin kab tak?
Ek din to akele bethoge, aur tab wo yaadein wapas aa jayengi.
Suna hai na — “Jitna bhagoge kisi se, wo yaadein utna pichha karti hain.”
To kyun na hum bhagna chhod dein?
Ho sakta hai, hum us insan ko kabhi na bhool payen.
Par ek waqt ke baad — uski yaadein sirf takleef nahi deti.
Woh sirf yaadein ban jaati hain — ek kahani, jisse humne kuch seekha… jisse hum badle.
